İlham Əliyev Yusif Axund-zadəni “Şöhrət” ordeni ilə təltif edib
Azərbaycan Prezidenti İlham Əliyev Yusif Axund-zadəni “Şöhrət” ordeni ilə təltif edib.
AYNA Prezidentin rəsmi saytına istinadən bildirir ki, ölkə başçısı bu barədə Sərəncam imzalayıb.
Sərəncamda deyilir: “Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram: Azərbaycanda musiqi sənətinin inkişafında xidmətlərinə görə Yusif Yevgenyeviç Axund-zadə “Şöhrət” ordeni ilə təltif edilsin”.
Qeyd edək ki, general-mayor, Xalq artisti, professor Yusif Axund-zadə Müdafiə Nazirliyi Əlahiddə Nümunəvi Hərbi Orkestrinin rəhbəridir.