“Rusiya tərəfi Türkiyədən olan tərəfdaşlar və həmkarları ilə bu mövzuda fəal dialoqdadır”
“Rusiyalı müştərilərin Türkiyə banklarındakı problemləri ABŞ-ın təzyiqi ilə bağlıdır”. AYNA rus mediasına istinadən xəbər verir ki, bu sözləri Kremlin rəsmi nümayəndəsi Dmitri Peskov deyib.
“Bəli, biz Türkiyə banklarında rusiyalı müştərilər üçün çətinliklərdən xəbərdarıq”, - Peskov bildirib.
Onun sözlərinə görə, Rusiya tərəfi Türkiyədən olan tərəfdaşlar və həmkarları ilə bu mövzuda fəal dialoqdadır.
“Problemlər ilk növbədə ABŞ nümayəndələri tərəfindən Türkiyəyə, türk şirkətlərinə, o cümlədən maliyyə şirkətlərinə edilən görünməmiş aqressiv təzyiqdən qaynaqlanır”, - deyə Kreml rəsmisi əlavə edib.
Bundan əvvəl media Türkiyə banklarının bəzilərinin Rusiya şirkətlərinin hesablarını bağlamağa və fiziki şəxslərə qarşı tələbləri sərtləşdirməyə başladığını yazmışdı.