Patrik Rayder: "HHM sistemləri prioritet olaraq qalır"
ABŞ 2023-cü ilin ortalarınadək “Vampire” pilotsuz uçuş aparatları ilə radioelektron mübarizə (REM) sistemlərini Ukraynanın Hava Hücumundan Müdafiə (HHM) Qüvvələrinə verəcək.
AYNA xəbər verir ki, bu barədə Pentaqonun mətbuat katibi, ABŞ Hərbi Hava Qüvvələrinin briqada generalı Patrik Rayder qurumun brifinqində bildirib.
“HHM sistemləri prioritet olaraq qalır. Bu, diqqətimizi yönəltməyə davam edəcəyimiz və mümkün qədər tez işləyəcəyimiz şeydir. “Vampire”ə gəlincə, onların istehsalı üçün müqavilə yaxın aylarda bağlanacaq, tədarükə isə 2023-cü ilin ortalarından başlanılacağını gözləyirik”, - o deyib.