“Hücum nəticəsində üçü azyaşlı olmaqla beş nəfər yaralanıb”
Pekində naməlum şəxsin bıçaqla hücumu nəticəsində 5 nəfər yaralanıb. AYNA xəbər verir ki, bu barədə “Sinxua” agentliyi məlumat yayıb.
“Bazar ertəsi Pekində bıçaqlı hücum nəticəsində üçü azyaşlı olmaqla beş nəfər yaralanıb”, – nəşr polisin məlumatlarına istinadən yazır.
Yoldan keçənlərə hücum yerli vaxtla saat 15:20 radələrində Çin paytaxtının Haidian rayonunda baş verib. Şübhəli dərhal hadisə yerində saxlanılıb.
Hadisədən sonra zərərçəkənlər xəstəxanaya aparılıb. Çin polisinin məlumatına görə, onlar həyati təhlükəsi olmayan yüngül xəsarətlər alıblar.