Baş nazir SSRİ-ni Qarabağda erməni separatizmini yaratmaqda ittiham edib
Ermənistanın Baş naziri Nikol Paşinyan Qarabağda separatizmin əsasını Moskvanın qoyduğunu iddia edərək SSRİ-ni ittiham edib. AYNA.AZ erməni mediasına istinadən bildirir ki, bu barədə Paşinyan hakim “Mülki Müqavilə” Partiyasının 7-ci Qurultayında deyib.
Baş nazir 2019-cu ildə verdiyi “Qarabağ Ermənistandır və nöqtə” bəyanatı ilə hazırkı sülh müqaviləsi arasında ziddiyyət olduğunu qeyd edərək, bunu “müxtəlif vətənpərvərlik modellərinin” olması ilə izah edib.
Paşinyanın sözlərinə görə, o 2019-cu ildə erməniləri “Ermənistandan kənarda vətən axtarmağa” çağıran sovet imperiyasının tətbiq etdiyi “vahid vətənpərvərlik modeli” çərçivəsində hərəkət edib. Baş nazir bu cür siyasətlərin erməni xalqını “böyük dövlət ambisiyalarının alətinə” çevirdiyini vurğulayıb.