“Əgər kimsə məni sülhü təbliğ etdiyim üçün tənqid etmək istəyirsə, qoy bunu doğrudan etsin”
Papa XIV Leo ABŞ Prezidenti Donald Trampın tənqidlərinə cavab verib. AYNA.AZ xarici mediaya istinadən xəbər verir ki, Papanın sözlərinə görə, Katolik Kilsəsinin missiyası sülhü təbliğ etməkdir.
“Əgər kimsə məni sülhü təbliğ etdiyim üçün tənqid etmək istəyirsə, qoy bunu doğrudan etsin. Sadəcə ümid edirəm ki, səsim eşidiləcək", Papa qeyd edib.
Əvvəllər XIV Leo ABŞ administrasiyasının Yaxın Şərqdəki hərəkətlərinə görə tənqidi kimi qəbul edilən sərt müharibə əleyhinə moizələri oxuyub. 13 apreldə Papanın başqa bir açıqlamasından sonra ABŞ Prezidenti Donald Tramp "Truth Social"da "bu Papa cinayət və xarici siyasət məsələlərində zəifdir" yazıb.
Tramp iddia edib ki, onun prezidentliyi olmasaydı, amerikalı papa seçilməzdi.
Papa daha sonra Amerika lideri ilə mübahisəyə girmək niyyətində olmadığını və müharibəni pisləməyə davam edəcəyini bildirib.