Nümayəndə heyətləri razılaşma üzərində işi gücləndirmək üçün Tehrandadır
Pakistan və Qətərdən danışıqlar aparan nümayəndə heyətləri İran və ABŞ arasındakı münaqişənin həlli istiqamətində razılaşma üzərində işi gücləndirmək üçün Tehrandadır. AYNA.AZ xəbər verir ki, bu barədə “The New York Times” qəzeti məlumat yayıb.
Qəzet qeyd edir ki, "vasitəçilər Vaşinqton və Tehran arasında atəşkəsin pozulmasının qarşısını almaq üçün səylərini gücləndiriblər".
Cümə axşamı Pakistan Silahlı Qüvvələrinin baş komandanı, feldmarşal Əs-Sədim Munirin rəhbərlik etdiyi nümayəndə heyəti İrana gəlib.
Qərb mediası isə İran paytaxtında Qətər danışıqçılarının olduğunu yazıb.
İran Xarici İşlər Nazirliyinin sözçüsü İsmayıl Beqayi cümə günü tərəflər arasında əhəmiyyətli fikir ayrılıqlarının qaldığını bildirib. O həmçinin "diplomatiyanın vaxt tələb etdiyini" söyləyib.
Amerika tərəfi həftə ərzində danışıqlarda müəyyən irəliləyişlər olduğunu bildirib. Eyni zamanda, Qərb mediası Amerikanın İrana yenidən zərbə endirməsi ehtimalını da istisna etmir.