Təhsil naziri Ceyhun Bayramov Operativ Qərargahın brifinqində iştirak edib
Yumşaldıcı tədbirlər çərçivəsində çox ciddi monitorinq işləri həyata keçiriləcək. AYNA xəbər verir ki, bu barədə Nazirlər Kabineti yanında Operativ Qərargahın brifinqində Təhsil naziri Ceyhun Bayramov məlumat verib.
O bildirib ki, bu proseslər nəticəsində vəziyyətin hansı istiqamətdə dəyişdirilməsi nəzarətdə saxlanılacaq: “Növbəti addımlar bir sıra sektorlarla, o cümlədən təhsil sektoru ilə də bağlı qərarlara əsasən atılacaq. Biz hazırlıq işlərimizi həyata keçiririk ki, belə bir qərar verilən zaman biz tamamilə yeni reallıqlara uyğun olaraq fəaliyyətə başlamağa hazır olaq. Bu, həm bizim tərəfimizdən həyata keçirilən addımlar, həm də digər qurumlarla birgə həyata keçirilən tədbirlərlə bağlıdır. Konkret tarixlərlə bağlı biz müəyyən dövrdən sonra bu məsələyə qayıda bilərik”.