Məhkəmə referendumun nəticələrinə əsasən şikayətə baxacaq
31 oktyabr 2024-cü il saat 10:00-da Moldova Konstitusiya Məhkəməsində oktyabrın 20-də keçirilmiş referendumun nəticələrinin təsdiq edilməsinə dair 212d/2024 saylı şikayətə baxılması üçün iclas keçiriləcək. AYNA “Newtv.md”yə istinadən xəbər verir ki, bu barədə məhkəmənin rəsmi saytında məlumat yerləşdirilib.
Məhkəmə zalında yalnız dəvət olunmuş şəxslər iştirak edəcək və iclasın gedişi məhkəmənin internet saytında canlı yayımlanacaq. İclasın sonunda Konstitusiya Məhkəməsinin sədri Domnika Manole brifinq keçirəcək.
Qeyd edək ki, ölkənin Mərkəzi Seçki Komissiyası (MSK) əvvəllər referendumu etibarlı hesab edib. Təqdim olunan məlumatlara görə, seçici fəallığı 50,72 faiz təşkil edib - 1,5 milyondan çox insan səsvermədə iştirak edib. Onlardan 49,9 faizi “HƏ”, 49,3 faizi isə “YOX” variantına səs verib.
Xatırladaq ki, referendum Moldovanın Avropaya inteqrasiya edib-etməməsi ilə bağlı keçirilib.