Baş nazirlər Rusiya ilə Ermənistan arasında ticarət və iqtisadi əməkdaşlığı müzakirə ediblər
Rusiyanın Baş naziri Mixail Mişustin erməni həmkarı Nikol Paşinyanla ikitərəfli ticarət və iqtisadi əməkdaşlığın cari məsələlərini müzakirə ediblər. AYNA.AZ-ın Rusiya mediasına istinadən məlumatına görə, bu məlumatı Rusiya hökuməti yayıb.
Məlumatda deyilir: "Ermənistan tərəfinin təşəbbüsü ilə Rusiyanın Baş naziri Mixail Mişustin və Ermənistanın Baş naziri Nikol Paşinyan arasında telefon danışığı olub. Baş nazirlər ticarət, iqtisadi, elmi-texnoloji və mədəni-humanitar sahələrdə Rusiya-Ermənistan əməkdaşlığının cari məsələlərini müzakirə ediblər".