“Bizim xarici siyasətimiz münaqişələrin sülh yolu ilə həllinə çalışmaq prinsipinə əsaslanacaq”
Meksikanın yeni seçilmiş Prezidenti Klaudiya Şeynbaum Ukraynaya səfər etməkdən imtina edib. AYNA xəbər verir ki, bu barədə TASS məlumat yayıb.
Dövlət başçısı Meksikanın “Excelsior” nəşrinə müsahibəsində Ukrayna Prezidenti Volodimir Zelenskinin Ukraynaya səfər dəvətindən imtina edib.
“Mən səfər düşünmürəm. Yenə deyirəm, biz xarici siyasət və konstitusiya prinsiplərinə əsaslanırıq”, - Şeynbaum Ukraynaya səfər planları ilə bağlı sualı cavablandırarkən deyib.
Prezident həmçinin qeyd edib ki, Meksikanın xarici siyasəti onun Konstitusiyası ilə müəyyən edilir: “Konstitusiyamız çox aydın, ləyaqətli və dincdir. Bizim xarici siyasətimiz münaqişələrin sülh yolu ilə həllinə çalışmaq prinsipinə əsaslanacaq”.
Onun sözlərinə görə, bu, Mexikonun mövqeyidir və “belə qalacaq”.