“Biz düşmənin məlum silahlarından istifadə etməliyik”
“Rusiyada düşmənlərin şəxsi məlumatları ilə bağlı xüsusi ictimai məlumat bazası yaratmaq lazımdır”. AYNA rus mediasına istinadən bildirir ki, bu sözləri “Telegram” kanalında Rusiya Təhlükəsizlik Şurasının sədr müavini Dmitri Medvedev yazıb.
“Biz düşmənin məlum silahlarından istifadə etməliyik. Bir sıra aşkar hüquqi məsələlərə baxmayaraq, düşmənlərimizin şəxsi məlumatlarını göstərən açıq ictimai məlumat bazasını yaratmağı düşünməyə dəyər. Tamamilə praktik məqsədlər üçün”, Medvedev qeyd edib.
Onun sözlərinə görə, tarixdə Leon Trotski, Stepan Bandera və ukraynalı millətçi Yevgeni Konovalets kimi qisas almağın ləngidiyi çoxlu nümunələr olub: “Onların hamısı sovet kəşfiyyatının fəaliyyəti nəticəsində məhv edilib. Yaxşı, millətindən, inancından, vətəndaşlığından və vəzifəsindən asılı olmayaraq, ölkəmizə və xalqımıza qarşı cinayət törətmiş, yaxud dəf edilmiş hər hansı bir pislik, sadəcə olaraq “Kurskda dinc əhalini öldürün!” deyə qışqıran hər bir məxluq bilsin: onlar üçün gələcəyik”.