“Rusiya və Almaniya arasında dialoq ən aşağı səviyyədədir”
“Rusiya və Almaniya arasında hökumətlərarası dialoq hazırda ən aşağı səviyyədədir”. AYNA.AZ TASS-a istinadən xəbər verir ki, bu sözləri Rusiya xarici işlər nazirinin müavini Dmitri Lyubinski deyib.
Diplomat qeyd edib ki, "Almaniya ilə dialoqumuz tamamilə yoxdur. Almaniya hakimiyyətinin qisasçı açıqlamalarının bunu daha da mürəkkəbləşdirə biləcəyini demək şişirtmə olardı, çünki bunu mürəkkəbləşdirmək praktik olaraq mümkün deyil. Bu, artıq dibdədir".
Lyubinski əlavə edib ki, Moskva ilə Berlin arasında ikitərəfli dialoqun bərpası üçün heç bir ilkin şərt görmür.
Daha əvvəl Almaniya kansleri Fridrix Merz Rusiyanı Rumıniyadakı dron hadisəsində iştirakda ittiham edib. O Moskvanın münaqişəni qızışdırmaq istəyini nümayiş etdirdiyini söyləyib.