“BMT-yə həm indiki, həm də gələcək təcavüzkarları dayandırmaq və onların qarşısını almaq səlahiyyəti verilməlidir”
“BMT-yə həm indiki, həm də gələcək təcavüzkarları dayandırmaq və onların qarşısını almaq səlahiyyəti verilməlidir”. AYNA "Ukrinform"a istinadən xəbər verir ki, bu sözləri Litva Prezidenti Gitanas Nauseda BMT Baş Assambleyasının yüksək səviyyəli tədbirləri çərçivəsində keçirilən Gələcək Sammitində deyib.
Nausedanın sözlərinə görə, "BMT-də, o cümlədən Təhlükəsizlik Şurasında əhəmiyyətli islahatların aparılması" lazımdır.
"İlk növbədə, biz qaydalara əsaslanan beynəlxalq nizama qayıtmalıyıq", - deyə Nauseda qeyd edib.
Prezident bildirib ki, Litva üçün bu, Ukraynanı azadlıq və demokratiya uğrunda mübarizəsində dəstəkləmək deməkdir. Onun sözlərinə görə, Rusiyanın işğal olunmuş Ukrayna ərazilərində qalmasına icazə verilməməsi çox vacibdir: “Buna görə də Litva beynəlxalq ictimaiyyəti Rusiyanın müstəmləkə müharibəsini davam etdirmək imkanlarını məhdudlaşdırmaq üçün daha çox səy göstərməyə çağırır”.
"Rusiya Ukraynanın bütün ərazisindən tamamilə geri çəkilməyə məcbur edilməlidir. BMT-nin qlobal sülh və təhlükəsizliyi qorumaq qabiliyyətinə artıq ciddi şübhələr yaradıb", - Nauseda əlavə edib.
Xatırladaq ki, bazar günü Nyu-Yorkda keçirilən sammitdə Almaniyanın rəhbərliyi ilə hazırlanmış BMT-nin islahat planı təsdiqlənib.