“Rusiya Ukraynanın sülhə hazır olmaması səbəbindən hərbi əməliyyatları dayandırmaq niyyətində deyil”
Kreml Rusiya xarici işlər naziri Sergey Lavrov vasitəsilə bir daha Kiyevi sülh danışıqlarını "sabotaj etməkdə" günahlandırıb və müharibəni davam etdirəcəyini bəyan edib.
AYNA.AZ rus mediasına istinadən bildirir ki, Lavrov deyib: "Rusiyanın 2022-ci ildən bu ilə qədər öhdəlik götürdüyü bu razılaşmalar Ukrayna tərəfindən sabotaj edilir. Rusiya Ukraynanın sülhə hazır olmaması səbəbindən hərbi əməliyyatları dayandırmaq niyyətində deyil. Rusiya Prezidenti Vladimir Putin dəfələrlə təsdiqləyib ki, biz danışıqlar yolu ilə həll yoluna birmənalı şəkildə sadiqik. Lakin Kiyev rejimi buna hazır olmadığı üçün biz hazırda davam edən xüsusi hərbi əməliyyatı məqsədlərinə çatacağınadək davam etdirəcəyik”.
Xarici işlər nazirinin sözlərinə görə, "avropalılardan fərqli olaraq", ABŞ "yerdəki reallıqları tanımaq" və "münaqişənin kök səbəblərini" aradan qaldırmaq üçün bütün Donbası Rusiyaya təhvil vermək ideyasını "təbliğ edir". Lavrov bu cür "kök səbəb" kimi "Kiyevdə nasist rejiminin mövcudluğunu" göstərib.
Nazir bildirib ki, "avropalılar mütləq bu rejimi Ukraynanın hansı ərazisində qalmasından asılı olmayaraq qorumaq istəyirlər və bu rejim düşmənçilik, Rusiya əleyhinə fəaliyyətlərini davam etdirəcək. Onlar Rusiya üçün təhlükə yaradacaq bir növ sabitləşdirici qüvvələr - əslində işğalçı qoşunlar gətirməyi planlaşdırırlar".