“NATO-nun Şərqə doğru genişlənməsi Avropada dərin təhlükəsizlik böhranının səbəbidir”
“Ukraynanı NATO-ya çəkmək xətti münaqişənin tətikçisi oldu”. AYNA.AZ “Lenta.ru”ya istinadən xəbər verir ki, bu sözləri Rusiyanın xarici işlər naziri Sergey Lavrov təhlükəsizlik məsələlərinə nəzarət edən ali nümayəndələrin 13-cü beynəlxalq tədbirinin plenar iclasında deyib.
Rusiya Xarici İşlər Nazirliyinin (XİN) rəhbəri həmçinin NATO-nun Şərqə doğru genişlənməsini “Avropada dərin təhlükəsizlik böhranının səbəbi adlandırıb: “Tarixi təcrübə göstərir ki, NATO gəlsə, bəla gələcək”.
Apreldə Lavrov demişdi ki, Ukrayna münaqişəsi Kiyevin NATO-ya üzv olmaqdan imtina etməsi ilə həll edilə bilər.