Souda körfəzində Yunanıstan, ABŞ və NATO hərbi obyektləri yerləşir
36 yaşlı Gürcüstan vətəndaşı Yunanıstanda Krit adasındakı ABŞ hərbi dəniz bazasında casusluqda şübhəli bilinərək saxlanılıb. AYNA.AZ xəbər verir ki, “Reuters” bu barədə polis və kəşfiyyat mənbələrinə istinadən məlumat yayıb.
Bazanın Aralıq dənizində strateji ABŞ obyekti olduğu bildirilib. Souda körfəzində Yunanıstan, ABŞ və NATO hərbi obyektləri yerləşir. ABŞ təyyarədaşıyan gəmisi “Gerald Ford” bu yaxınlarda Yaxın Şərqə getməzdən əvvəl təchizatı artırmaq üçün bazaya baş çəkib.
IPN-in məlumatına görə, kişi Afina hava limanında ölkənin kəşfiyyat xidmətinin verdiyi məlumata əsasən saxlanılıb.
Yunanıstan kəşfiyyatındakı mənbə bildirib ki, şübhəlinin telefonunda Amerika təyyarədaşıyan gəmisinin şəkilləri tapılıb və hakimiyyət orqanları mobil tətbiq vasitəsilə İranda yerləşən bir şəxslə potensial əlaqələri araşdırır.
Kişi 3 fevralda Almaniyadan Yunanıstana gəlib və ötən ay Souda bazasının yaxınlığındakı oteldə qalıb.