An-26 təyyarəsi uçuş zamanı qəzaya uğrayıb: göyərtədə yeddi heyət üzvü və 23 sərnişin olub
Rusiya Şimal Donanmasının Hərbi Hava Qüvvələri və Hava Hücumundan Müdafiəsinin 45-ci Ordusunun komandiri Aleksandr Otroşçenko martın sonlarında Krımda An-26 nəqliyyat təyyarəsinin qəzaya uğraması nəticəsində həlak olanlar arasında olub. AYNA.AZ rus mediasına istinadən bildirir ki, bu barədə Donanmanın yerləşdiyi Murmansk vilayətinin qubernatoru Andrey Çibis deyib.
Müstəntiqlərin sözlərinə görə, 31 martda Krımın Baxçasaray rayonunun Kuybışevo kəndi yaxınlığında An-26 təyyarəsi uçuş zamanı qəzaya uğrayıb. Göyərtədə yeddi heyət üzvü və 23 sərnişin olub.
Rusiya Müdafiə Nazirliyi əvvəllər təyyarəyə heç bir ziyan dəymədiyini bildirmişdi. Qəzanın ilkin səbəbi texniki nasazlıqdır.