"Kim Çen Inın müqəddəs adı bütün Şimali Koreya xalqının seçimini və iradəsini əks etdirir”
Kim Çen In Koreya Əmək Partiyasının (KƏP) baş katibi vəzifəsinə yenidən seçilib. AYNA.AZ xəbər verir ki, bu barədə Pxenyanın Koreya Mərkəzi Teleqraf Agentliyi (KTAK) məlumat yayıb.
Partiyanın 9-cu Qurultayı Kim Çen Inın baş katib vəzifəsinə yenidən seçilməsi ilə bağlı "şərəfli təklifi" tam dəstəkləyib və təsdiqləyib. Bu, "dövr dəyişikliklərinin" baş verdiyi və "böyük nəticələrin" əldə edildiyi son beş illik mübarizənin tarixi qiymətləndirilməsidir.
"Kim Çen Inın müqəddəs adı bütün Şimali Koreya xalqının seçimini və iradəsini əks etdirir”, - deyə bildirilib.
Qurultayda Şimali Koreya liderinin "qeyri-adi ideoloji və nəzəri müdriklik, fövqəladə liderlik gücü və nəcib keyfiyyətləri" ilə Koreya Xalq Respublikası Kommunist Partiyasını və Şimali Koreya xalqını vahid qələbə yoluna aparan və ölkə, inqilab, "dövr və tarix" üçün böyük xidmətləri olan "ən görkəmli siyasətçi" olduğu vurğulanıb.
Qurultayın qətnaməsində qeyd olunub ki, Kim Çen Inın "böyük Kimirsenizm-Kimçenirizm ideyaları"nı rəhbər tutaraq, partiyanın inqilabi təbiətinə ardıcıl şəkildə riayət etmək üçün təşkilatın yenidən qurulmasında və fəaliyyətində köklü dəyişiklik edib.