"Bu cür aqressiv, israrlı davranış qəbuledilməzdir və regional sülh və təhlükəsizliyi zərbə altında qoyur"
İsrail İranın nüvə obyektlərinə və raket fabriklərinə zərbələr endirir, İran isə 100-yaxın dron vasitəsi ilə bu hücuma cavab verir. AYNA.AZ xəbər verir ki, bu barədə “Reuters” agentliyi yazıb. Agentlik bildirir ki, bu hücumdan ABŞ-ın xəbəri olmayıb. İsrail bu barədə Fransaya da xəbər verməyib.
İsrail ordusunun Baş Qərargah rəisi Eyal Zamir deyib: "Bu, bizi məhv etmək niyyətində olan düşmən tərəfindən mövcudluğumuza qarşı yönəlmiş təhlükənin qarşısını almaq üçün həyata keçirilən kritik bir əməliyyatdır".
Səudiyyə Ərəbistanının bəyanatında deyilir: “Qardaş İran İslam Respublikasına qarşı, onun suverenliyinə və təhlükəsizliyinə xələl gətirən, beynəlxalq qanunların və normaların açıq şəkildə pozulması ilə müşahidə olunan İsrailin açıq-aşkar təcavüzünü kəskin şəkildə pisləyirik”.
ABŞ-İran danışqlarına vasitəçilik edən Oman sultanlığı da İsrailin bu hücumundan ciddi şəkildə narazıdır: “Bu hücum Birləşmiş Millətlər Təşkilatının Nizamnaməsinin, beynəlxalq hüququn prinsiplərinin kobud şəkildə pozulmasından doğan təhlükəli eskalasiyaya səbəb olacaq. Bu cür aqressiv, israrlı davranış qəbuledilməzdir və regional sülh və təhlükəsizliyi zərbə altında qoyur…İsraili bu gərginliyə və onun nəticələrinə görə məsuliyyət daşıyır. Oman beynəlxalq ictimaiyyəti bu təhlükəli hərəkət kursunu dayandırmaq üçün qəti və birmənalı mövqe tutmağa çağırır".