Partlayış nəticəsində iki mağaza da yanıb
Təl-Əvivin cənub-qərbindəki Ramla şəhərində avtomobilin partlaması nəticəsində ən azı 13 nəfər xəsarət alıb. AYNA “Ynet” portalına istinadən xəbər verir ki, bu barədə Magen David Adom (Davidin Qırmızı Qalxanı) təcili yardım xidməti məlumat yayıb.
Məlumata görə, partlayış nəticəsində iki mağaza da yanıb.
“Zərərçəkənlərdən beşinin vəziyyəti ağırdır, iki nəfərin xəsarəti isə orta-ağırdır. Yaralılar arasında dörd uşaq da var”, - məlumatda deyilir.
Polis hadisənin baş vermə şəraitini aydınlaşdırmağa başlayıb.