Müdafiə naziri qoşun və texnikanın Livanla sərhədə yerləşdirildiyini açıqlayıb
İsrail Livanla sərhəddə hərbi əməliyyata hazırlaşır. AYNA “The Times of Israelə istinadən” xəbər verir ki, bu barədə ölkənin Müdafiə Nazirliyinin rəhbəri Yoav Qalant bildirib.
Nazir ölkənin şimalına hərbçilərin və texnikanın yerləşdirildiyini açıqlayıb. Qalantın sözlərinə görə, hərbi əməliyyatlar çox yaxında başlayacaq.
Bundan əlavə, İsrail Müdafiə Qüvvələri “Telegram” kanalında Livanın Hizbullah qruplaşmasının mövqelərinə hədəfli zərbələr endirdiyini bildirib.