Hazırda Ali Baş Komandanın müraciəti yayımlanır
Azərbaycan Prezidenti, Ali Baş Komandan İlham Əliyev xalqa növbəti dəfə müraciət ünvanlayır.
AYNA-nın xəbərinə görə, Ali Baş Komandanın müraciəti hazırda Azərbaycan Televiziyasında (AzTV) canlı yayımlanır. Ölkə başçısı müraciətində Dağlıq Qarabağın işğaldan azad edilməsi uğrunda gedən döyüşlər, nəticələr haqqında məlumat verir. Prezident daha bir neçə kəndin və Hadrud qəsəbəsinin azad edildiyini açıqlayıb. Bununla yanaşı, Çaylı, Yuxarı Güzlək, Qışlaq, Qaracalı, Əfəndilər, Süleymanlı və Sur kəndlərinin azad edildiyi müjdəsini verib.
Daha sonra ölkə başçısı Ermənistanın itkiləri barədə məlumat verib.