CENTCOM ABŞ-ın Yəmənin şimalında husilərin raket sistemini məhv etdiyini açıqlayıb
ABŞ Mərkəzi Komandanlığı (CENTCOM) Yəmənin şimalında “Ənsar Allah” (Husi) hərəkatının raket sisteminin məhv edildiyini açıqlayıb. AYNA xəbər verir ki, bu barədə CENTCOM-un “X” sosial şəbəkə hesabında qeyd edilib.
“Son 24 saat ərzində ABŞ Mərkəzi Komandanlığı qüvvələri Yəmənin husilərin nəzarətində olan bölgəsində bir raket sistemini uğurla məhv edib", - bəyanatda deyilir.
CENTCOM əlavə edib ki, sistem regiondakı Amerika qüvvələri və koalisiyaları, eləcə də ticarət gəmiləri üçün təhlükə yaradır.