“Finlandiya hakimiyyəti Rusiya dövlətinin aktivlərini müsadirə etmək üçün genişmiqyaslı əməliyyata başlayıb”
Ukraynanın "Naftoqaz" şirkətinin işi ilə bağlı Finlandiyada Rusiyanın 5 daşınmaz əmlakı üzərinə həbs qoyulub. AYNA xəbər verir ki, bu barədə “Helsingin Sanomat” qəzeti yazıb.
“Finlandiya hakimiyyəti Rusiya dövlətinin aktivlərini müsadirə etmək üçün genişmiqyaslı əməliyyata başlayıb”, - xəbərdə qeyd edilib.
Bildirilib ki, həbs qoyulan əmlaklardan üçü Aland adalarında, ikisi isə Helsinkidə yerləşir.
Bundan əvvəl məlum olub ki, Finlandiya hakimiyyəti Helsinkidəki Rusiya Elm Mərkəzinin torpaq sahəsini müsadirə edib.