"Biz ərazimizdə nüvə silahlarının yerləşdirilməsinin əleyhinə deyilik”
Estoniya hakimiyyəti NATO-nun müdafiə planları çərçivəsində belə bir qərar veriləcəyi təqdirdə, ərazilərində nüvə silahlarının yerləşdirilməsi ehtimalını istisna etməyib. AYNA.AZ xəbər verir ki, bu barədə Baltikyanı respublikanın xarici işlər naziri Marqus Tsakna bildirib.
"Biz ərazimizdə nüvə silahlarının yerləşdirilməsinin əleyhinə deyilik. NATO müdafiə planlarımıza uyğun olaraq, məsələn, ərazimizdə nüvə silahlarının yerləşdirilməsinin zəruri olduğunu hesab edərsə, bunu istisna edəcək heç bir doktrinamız yoxdur", - deyə nazir qeyd edib.
2025-ci ilin iyun ayında Estoniyanın müdafiə naziri Hanno Pevkur bildirib ki, Baltikyanı respublika öz ərazisində nüvə başlıqları daşıya bilən NATO müttəfiqlərinin hərbi təyyarələrini yerləşdirməyə hazırdır.