Ermənistan Nazirlər Kabineti təşəbbüsünü dəstəkləyib
Ermənistanda məcburi hərbi xidmət müddətinin altı ay azaldılması ilə bağlı qanun layihəsi Nazirlər Kabineti tərəfindən təsdiqlənib. AYNA.AZ erməni mediasına istinadən bildirir ki, sənəd müdafiə nazirinin müavini Arman Sarkisyan tərəfindən təqdim edilib.
Qanun layihəsi 2025-ci ilin qış çağırışından başlayaraq hərbi xidmət müddətinin altı ay azaldılmasını və məcburi hərbi xidmət müddətinin 18 ay müəyyən edilməsini nəzərdə tutur.
"2025-ci ilin qış çağırışını elan edən hökumət qərarı layihəsi 2026-cı il yanvarın 7-dən başlayaraq qış çağırışı vasitəsilə Silahlı Qüvvələrin faktiki olaraq yenidən doldurulması prosesini nəzərdə tutur ki, bunun nəticəsində 2025-ci ilin qış çağırışından başlayaraq məcburi hərbi xidmətə çağırılan vətəndaşlar 18 ay xidmət edəcəklər", - deyə o bildirib.
Qanun layihəsi müzakirə və təsdiq üçün parlamentə təqdim olunacaq.