Bəzi zabitlərin həbs edilməsi də gözlənilir
Avqustun 12-də ağ bayraq qaldıraraq hərbçilərimizə təslim olan erməni əsgəri Kazaryan Aro Xaykoviçin xidmət etdiyi hərbi hissədə yoxlama başlanıb. AYNA moderator.az-a istinadən xəbər verir ki, Ermənistanın Müdafiə Nazirliyi tərəfindən aparılan yoxlama əsnasında fərari əsgəri hərbi hissəni tərk etməyə vadar edən səbəblər araşdırılacaq. Araşdırmanın nəticəsinə əsasən bəzi zabitlərin həbs edilməsi də gözlənilir.
Görünən odur ki, İrəvan özünün yetişdirdiyi ordu sistemində baş verən neqativ hallara görə kimlərisə qurban vermək və beləliklə də olayı lokallaşdırmaq, bunun hansısa zabitin məsuliyyətsizliyindən yaranan nadir olay kimi qələmə verməyə çalışır. Halbuki, Ermənistan ordusunda xidmətdən yayınma hallarının ənənə halını alması məlum problemin ordu sistemindən qaynaqlandığını və ermənilərə məxsus bütün hərbi hisüsələrə xas olduğunu göstərir. Bu baxımdan məlum olayla bağlı neçə zabitin həbs edilməsindən asılı olmayaraq, Ermənistan ordusunun gələcəkdə də fərari “ixrac edəcəyi” şübhəsizdir.