Hadisə binanın üçüncü mərtəbəsində qeydə alınıb
Bakı şəhərinin Binəqədi rayonunda doqquzmərtəbəli yaşayış binasında yanğın baş verib. Fövqəladə Hallar Nazirliyinin (FHN) mətbuat xidmətindən AYNA-ya verilən məlumata görə, hadisə binanın üçüncü mərtəbəsində qeydə alınıb.
Ümumi sahəsi 70 m² olan mənzildə ev əşyaları 6 m² sahədə və 1 ədəd kondisioner yanıb. Ev yanğından mühafizə olunub. Yanğın yanğından mühafizə bölmələri tərəfindən söndürülüb.