“Ermənistan Azərbaycanın mövqelərini atəşə tutmağa davam edir"
“Bu ilin iyul ayında baş vermiş sərhəd münaqişəsindən sonra Azərbaycan və Ermənistan sərhədində vəziyyət qeyri-sabit olaraq qalır”. AYNA-nın APA-ya istinadən məlumatına görə, bunu Azərbaycanın Xarici İşlər naziri Ceyhun Bayramov bildirib.
"Hərbi baxımdan vəziyyət qeyri-sabit olaraq qalır. Ermənistan Azərbaycanın mövqelərini atəşə tutmağa davam edir", - deyə azərbaycanlı nazir vurğulayıb.
Azərbaycan XİN başçısı regionda təhlükəsizliyin təmin olunması və təxribatların qarşısının alınması üçün işğalçı qoşunların Azərbaycanın bütün işğal olunmuş ərazilərindən dərhal, qeyd-şərtsiz və tamamilə çıxarılmasının vacibliyini qeyd edib.