Rişi Sunak “Challenger 2”nin göndərilməsinə qərar verib
Böyük Britaniyanın Baş naziri Rişi Sunak Ukraynaya tank eskadrilyası göndərmək qərarına gəlib. AYNA xəbər verir ki, bu barədə məlumatlı hökumət mənbələrinə istinadən “The Independent” məlumat yayıb.
Qeyd olunub ki, tezliklə Ukraynaya dörd “Challenger 2” tankından ibarət qrup çatdırılacaq. Bir müddət sonra isə Britaniya daha səkkiz tank göndərməklə yardımı ikiqat artıracaq.
Beləliklə, Böyük Britaniya öz ordusunun əsas döyüş tanklarını Ukrayna tərəfinə təhvil verən ilk ölkə olacaq.