ABŞ baş prokuroru Epşteynin sənədlərində 300-dən çox adın siyahısını açıqlayıb
ABŞ baş prokuroru Pam Bondi amerikalı maliyyəçi Ceffri Epşteynin sənədlərində yer alan 300-dən çox görkəmli şəxsin adının siyahısını dərc edib. AYNA.AZ xəbər verir ki, bu barədə “Fox News” onun Konqres üzvlərinə ünvanladığı məktuba istinadən məlumat yayıb.
Məlumata görə, məktubda ABŞ Ədliyyə Nazirliyinin Epşteyn işi ilə bağlı dərc etdiyi sənədlərdə adları ən azı bir dəfə qeyd olunan bütün keçmiş və hazırkı vəzifəli şəxslər və ya siyasi cəhətdən mühüm şəxslər yer alır. Onların arasında Britaniya şahzadəsi Harri, əslən erməni olan amerikalı pornoulduz Kim Kardaşyan, musiqiçilər Kurt Kobain və Brüs Sprinqstin və digər məşhurlar var.
Baş prokurorun məktubuna görə, Ədliyyə Nazirliyi insan alveri, sənədlərin gizlədilməsi və s. daxil olmaqla doqquz kateqoriyaya aid olan bütün "qeydləri, sənədləri, rabitələri və istintaq materiallarını" açıqlayıb.
"Materiallar utancverici, nüfuza xələl gətirən və ya siyasi həssaslıq səbəblərindən redaktə edilib", - deyə baş prokuror qeyd edib.
Epşteyn 6 iyul 2019-cu ildə Nyu-York ştatının hüquq-mühafizə orqanları tərəfindən həbs edilib. Prokurorlar bildiriblər ki, 2002-2005-ci illər arasında onun Manhettendəki evinə onlarla yetkinlik yaşına çatmayan qızın, ən kiçiyinin 14 yaşında olduğu evə baş çəkməsini təşkil etdiyinə dair dəlilləri var. Epşteyn dost və tanışları arasında təkcə ABŞ-dan deyil, həm də bir çox başqa ölkələrdən (keçmiş dövlət başçıları da daxil olmaqla) çox sayda hazırkı və təqaüddə olan məmurlar, tanınmış iş adamları və şou-biznes məşhurları olub. Maliyyəçinin ABŞ-da cinayət təqibi onun 2019-cu ilin avqust ayında həbsxana kamerasında intihar etməsindən sonra dayandırılıb.