Ölkə üzrə 113 min nəfərə yaxın şagird məzun olur
Bu gün Azərbaycanda “Son zəng” qeyd olunur. AYNA.AZ xəbər verir ki, Elm və Təhsil Nazirliyi bununla əlaqədar tədbirlərin keçirilməsi üçün məktəblərə tapşırıqlar verib.
15 sentyabrda başlayan 2024-2025-ci tədris ili 14 iyunda başa çatır. Nazirliyin məlumatına görə, 2024-2025-ci tədris ilində respublikanın ümumi təhsil müəssisələrinin XI sinifləri üzrə 113 000 nəfərə yaxın şagird məzun olur. Onlardan 54 000 nəfərə yaxını qız, 58 000 nəfərdən çoxu oğlandır.
2024-2025-ci tədris ilində işğaldan azad edilən rayonlarda fəaliyyət göstərən təhsil müəssisələrindən tam orta təhsil səviyyəsi üzrə 84 nəfər məzun olacaq.