Sabiq Prezident maliyyəçi ilə əlaqələrinin cinayətkar fəaliyyətlərinin məlum olmasından çox əvvəl dayandırıldığını deyib
ABŞ-ın keçmiş Prezidenti Bill Klinton Nümayəndələr Palatasının Nəzarət Komitəsinin dinləməsində pedofil maliyyəçi Ceffri Epşteynin cinayətləri ilə hər hansı əlaqəsini qəti şəkildə inkar edib.
AYNA.AZ xarici mediaya istinadən bildirir ki, o maliyyəçi ilə əlaqələrinin cinayətkar fəaliyyətlərinin məlum olmasından çox əvvəl dayandırıldığını vurğulayıb: “Mən heç nə görmədim və heç bir səhv etmədim. Zorakı bir ailədə böyümüş biri kimi, onun nə etdiyini bilsəydim, nəinki onun təyyarəsində uçardım, həm də onu özüm hakimiyyət orqanlarına təhvil verərdim".
Keçmiş Prezident həmçinin həyat yoldaşı Hillari Klintonun məhkəməyə çağırışını ədalətsiz adlandıraraq, onun heç vaxt Epşteynin mülklərinə baş çəkmədiyini vurğulayıb. Klinton qeyd edib ki, zaman keçdikcə bütün detalları xatırlamaya bilər, lakin and içərək fərziyyələrdən yayınaraq yalnız məntiqi və təsdiqlənmiş faktlar təqdim etmək niyyətindədir.
CNN əvvəllər yazıb ki, sənədli sübutlar Bill Klintonun Epşteyn ilə qarşılıqlı əlaqələrinin yaxın olduğuna işarə edir. CNN-in icmalına görə, Bill Klinton maliyyəçinin şəxsi təyyarəsində ən azı 16 dəfə uçub. Bundan əlavə, Ədliyyə Nazirliyi tərəfindən açıqlanan sənədlərdə sabiq Prezidentin qadınlarla birlikdə cakuzidə çəkilmiş fotoşəkilləri, eləcə də Epşteyn və Maksvell ilə çəkilmiş fotoşəkilləri var.