Qərar 31 dekabr 2023-cü il tarixinə kimi qüvvədə olacaq
Polşa vətəndaşları martın 2-dən etibarən Avropa İttifaqı və Belarusun sərhədlərini istənilən keçid məntəqələrindən keçə biləcəklər.
AYNA-nın xəbərinə görə, bu barədə Belarus Dövlət Sərhəd Komitəsinin mətbuat xidməti məlumat yayıb.
“Belarusa vizasız gediş-gəlişə yüksək tələbatı nəzərə alaraq, ölkə rəhbərliyi Belarusun Aİ ilə sərhədindəki bütün keçid məntəqələrində Polşa vətəndaşlarına vizasız giriş icazəsi vermək qərarına gəlib”, - komitənin bəyanatında deyilir.
Bu tədbirin 2 mart 2023-cü il gecə yarısından 31 dekabr 2023-cü il tarixinə kimi qüvvədə olacağı bildirilir.
Əvvəllər Polşa vətəndaşları Belarusa Aİ ilə sərhədin yalnız Belarus-Polşa hissəsində vizasız daxil ola bilirdilər.