Səbəb yolda aparılan təmir işləridir
Bu gün səhər saatlarından etibarən Bakının 8 Noyabr prospektinin Yusif Səfərov küçəsi ilə kəsişməsindən Xəqani Rüstəmov küçəsinə qədər olan hissəsi nəqliyyat vasitələrinin hərəkəti üçün bağlanıb.
AYNA xəbər verir ki, buna səbəb yolda aparılan təmir işləridir. Yolun mayın 29-u, saat 22:00-a qədər bağlı olacağı bildirilir.
Eyni zamanda, təmir işləri müddətində 21 və 175 nömrəli avtobuslar Dənizkənarı küçə, 10 nömrəli avtobus Nəcəfqulu Rəfiyev və Süleyman Vəzirov küçələri, 32 və 46 nömrəli avtobuslar Nəcəfqulu Rəfiyev, Süleyman Vəzirov və Xəqani Rüstəmov küçələri ilə hərəkət edəcək.