Sadiq Nəbiyev marixuananı satmaq məqsədi ilə əldə etdiyini bildirib
Bakının Yasamal Rayon Polis İdarəsinin əməkdaşları iranlı narkotacirə kuryerlik edən paytaxt sakini, əvvəllər məhkum olunmuş Sadiq Nəbiyevi saxlayıb.
Bu barədə AYNA-ya Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, həmin şəxsdən külli miqdarda 3 kiloqram 105 qram narkotik vasitə olan marixuana aşkar edilib. O, marixuananı sosial şəbəkələrdə tanış olduğu şəxsiyyəti araşdırılan İran vətəndaşından paytaxt ərazisində satmaq məqsədi ilə əldə etdiyini bildirib.
Araşdırmaların gedişi zamanı saxlanılan şəxsin iranlı narkotacirlə əlaqələri, onun dediyi ünvanlarda narkotik vasitələri yerləşdirməyi sübuta yetirilib.