Azərbaycanda tənəffüs cihazında olan COVID-19 xəstələrinin sayı azalıb

Xəstəxanaların reanimasiya şöbələrində 340 xəstə müalicə edilir

Azərbaycanda süni tənəffüs cihazında olan koronavirus xəstələrinin sayı azalaraq 55 nəfərə düşüb. Bu barədə AYNA-ya “Tibbi Ərazi Bölmələrini İdarəetmə Birliyin”dən (TƏBİB) məlumat verilib.

Qeyd edək ki, iyulun 18-də süni tənəffüs cihazında olan COVID-19 xəstələrinin sayı 63 nəfər idi. Məlumata görə, xəstəxanaların reanimasiya şöbələrində 340 xəstə müalicə edilir.

Xatırladaq ki, ötən gün bu rəqəm 333 nəfər təşkil edirdi.