Nizami Xəlilov dünyasını dəyişib
Bakı Dövlət Universitetinin (BDU) Filologiya fakültəsinin Azərbaycan şifahi xalq ədəbiyyatı kafedrasının professoru Nizami Qasım oğlu Xəlilov vəfat edib. AYNA xəbər verir ki, bu barədə BDU məlumat yayıb.
Bildirilib ki, o, 72 yaşında dünyasını dəyişib.
Nizami Xəlilov 1973-cü ildən BDU-da pedaqoji fəaliyyətə başlayıb. 2003-cü ildən BDU-nun Filologiya fakültəsində elmi işlər və magistratura üzrə dekan müavini, 2015-ci ildən BDU-nun Azərbaycan şifahi xalq ədəbiyyatı kafedrasının professoru olub. Müxtəlif illərdə bir çox beynəlxalq elmi konfranslarda iştirak edib.
Allah rəhmət etsin!