Distant təhsilə keçirilən siniflərin sayı 52, məktəb sayı isə 24 olub
Təhsil Nazirliyi son sutka ərzində ümumi təhsil müəssisələrində COVID-19 virusuna yoluxmaya dair məlumat yayıb. Nazirlikdən AYNA-ya verilən məlumata görə, son sutka ərzində bədən hərarəti 37 dərəcədən yuxarı olan şagirdlərin sayı 13, işçi sayı 3 olub.
Son sutka ərzində koronavirusa yoluxan şagird sayı 14, işçi heyətinin sayı 4 nəfər təşkil edib.
Bununla yanaşı, son sutka ərzində koronavirus səbəbindən distant təhsilə keçirilmiş siniflərin sayı 2 olub. Virus səbəbindən distant təhsilə keçirilən məktəblərin sayı isə 4 olub.
Həmçinin distant təhsildə olan 5 sinif yenidən əyani təhsilə keçirilib. Ümumilikdə distant təhsilə keçirilən siniflərin sayı 52, məktəb sayı isə 24 olub.