“İnsan itkiləri və dağıntılar bizi dərindən kədərləndirir”
Azərbaycan Xarici İşlər Nazirliyi (XİN) Yaponiyaya başsağlığı verib. AYNA xəbər verir ki, bu barədə XİN-in “X” hesabında paylaşım edilib.
“Yaponiyanın Noto yarımadasında baş verən zəlzələ nəticəsində qeydə alınan insan itkiləri və dağıntılar bizi dərindən kədərləndirir. Bu faciədə həlak olanların ailələrinə və yaxınlarına dərin hüznlə başsağlığı verir, xəsarət alanlara şəfa diləyirik”, - paylaşımda qeyd olunur.
Qeyd edək ki, Yaponiyada yanvarın 1-dən etibarən silsilə zəlzələlər qeydə alınır. Yaponiyanın rəsmi qurumlarının yaydığı son məlumata əsasən, təbii fəlakət nəticəsində ölənlərin sayı 126-ya çatıb, azı 516 nəfər isə yaralanıb.