Avropa İttifaqının genişlənmə üzrə komissarı İmamoğlunun həbsinə görə səfərini ləğv edib
Avropa İttifaqının genişlənmə üzrə komissarı Marta Kos İstanbul Böyük Şəhər Bələdiyyəsinin sədri Əkrəm İmamoğlunun həbsinə etiraz olaraq Türkiyəyə səfərini ləğv edib. AYNA.AZ xarici mediaya istinadən bildirir ki, Kos diplomatik forumda iştirak etməli və Türkiyənin xarici işlər naziri ilə görüşməli idi.
Avropa Parlamentinin Strasburqda keçirilən iclasında Kos deyib ki, aprelin 11-13-də keçirilməsi planlaşdırılan Antalya Diplomatik Forumunda iştirak etməyəcək. O həmçinin Türkiyənin xarici işlər naziri Hakan Fidan ilə Ankarada planlaşdırılan görüşü də ləğv edib.