Tereza Ribeiro: "Məhərrəm İbrahimov və Sirac Abışovun faciəli ölümü dəhşətli xəbərdir"
ATƏT bu gün Kəlbəcərdə mülki şəxslərin, o cümlədən, iki media işçisinin minaya düşərək şəhid olması ilə bağlı bəyanat yayıb.
AYNA xəbər verir ki, ATƏT-in media azadlığı üzrə nümayəndəsi Tereza Ribeiro Məhərrəm İbrahimovun (Əlioğlu) və operator Sirac Abışovun ölümü ilə bağlı narahatlığını və kədərini ifadə edib:
“Yayılan məlumatlara görə, “Azərtac” və AzTV-də işləyən iki jurnalist bu gün Kəlbəcər rayonunda minanın partlaması nəticəsində vəzifə borcunu yerinə yetirərkən həlak olub. AzTV-nin rejissoru Emin Məmmədov da daxil olmaqla, digər şəxslərin xəsarət aldığı bildirilir.
Məhərrəm İbrahimov və Sirac Abışovun faciəli ölümü dəhşətli xəbərdir. Onların yaxınlarına və həmkarlarına başsağlığı verirəm”.
O vurğulayıb ki, hüquq-mühafizə orqanları məsələ ilə bağlı cinayət işi açıb, cavabdehlərin məsuliyyətə cəlb ediləcəyinə ümidvardır.