Fransalı aktyor 88 yaşında dünyasını dəyişib
Fransalı aktyor Alen Delon 88 yaşında vəfat edib. AYNA xarici mediaya istinadən bildirir ki, əvvəllər sənətçiyə alzheimer xəstəliyi və xərçəng diaqnozu qoyulmuşdu.
2024-cü ilin yanvarında məhkəmə aktyora daşınmaz əmlakını idarə etməyi qadağan edərək onun hüququnu məhdudlaşdırdı.
Apreldə məlum oldu ki, Fransanın Montarji kommunasının məhkəməsi aktyor Alen Delon üçün gücləndirilmiş qəyyumluq rejimi təyin edib. Delonun gəliri və əmlakı qəyyumun öhdəsinə keçdi. Lakin bu şəxsin adı məxfiləşdirilir. 88 yaşlı sənətçi yanvar ayında məhkəmənin mühafizəsinə keçdi; qərar 2019-cu ildə insult keçirən Delonun səhhəti ilə bağlı idi.
2022-ci ilin mart ayında Alain Delon evtanaziya yolu ilə ölmək istədiyini açıqladı.