Vətəndaşlar müvafiq sənədləri olmayan yeddi ədəd ov tüfəngini könüllü olaraq polisə təhvil veriblər
Ağsuda xeyli silah-sursat aşkar edilib. AYNA xəbər verir ki, bu barədə Daxili İşlər Nazirliyinin (DİN) Mətbuat Xidmətinin Şəki regional qrupundan bildirilib.
Qeyd olunub ki, Ağsu Rayon Polis Şöbəsinin əməkdaşları tərəfindən keçirilən tədbirlərlə bir ədəd lüləsi və qundağı kəsilmiş tüfəng, bir ədəd qumbara, 346 ədəd patron, iki ədəd avtomat darağı və bir ədəd yivli “TOZ-8” markalı tüfəng aşkar olunub.
Profilaktik tədbirlər zamanı isə vətəndaşlar müvafiq sənədləri olmayan yeddi ədəd ov tüfəngini könüllü olaraq polisə təhvil veriblər.