“Reuters”: ABŞ-ın Venesuelaya qarşı sanksiyaları Maduronun hərəkətlərindən asılı olacaq
ABŞ-ın Venesuelaya qarşı sanksiya siyasəti Vaşinqtonun fikrincə, seçkilərdəki qələbəsi səsvermənin faktiki nəticələrinə uyğun gəlməyən ölkə Prezidenti Nikolas Maduronun gələcək fəaliyyətindən asılı olacaq. AYNA xəbər verir ki, bu barədə “Reuters” mənbələrə istinadən məlumat yayıb.
Agentliyin məlumatına görə, ABŞ rəsmiləri seçki pozuntularına dair konkret sübut təqdim edə bilmədilər, lakin onlardan biri Venesuelada elan edilən seçkilərin nəticələrinin “tez sayma mexanizmləri və digər mənbələrdən əldə etdiyimiz məlumatlara uyğun olmadığını” deyib.
Nəşrin məlumatına görə, ABŞ Venesuelaya qarşı yeni məhdudiyyətlər tətbiq etməyib, lakin yeni sanksiyaların tətbiqi yeni seçilmiş rəhbərin gələcək fəaliyyətindən asılı olacaq. Mənbələrdən biri deyib ki, Vaşinqton “Venesuellaya qarşı sanksiyalarla hara getməyi planlaşdırarkən bunu nəzərə alacaq”.