İlk böyük layihə dronların istehsalı olacaq
ABŞ və Yaponiya hökumətləri bir il ərzində ikili təyinatlı məhsulların hazırlanması və istehsalı üçün dövlət-özəl əməkdaşlıq mexanizmini işə salmaq niyyətindədirlər. AYNA.AZ xəbər verir ki, bu barədə “Kyodo” xəbər agentliyi məlumat yayıb.
Bildirilib ki, ilk böyük layihə dronların istehsalı olacaq.
Yaponiya sənaye şirkətlərinin istehsalı Amerika texnologiyasından istifadə etməklə həyata keçirəcəyi gözlənilir.
“Kyodo”nun məlumatına görə, Yaponiya hökuməti bu yaxınlarda silah ixracına qoyulan qadağanı ləğv edərkən silahlı münaqişələrdə iştirak edən ölkələr üçün istisnalar təmin edərkən ABŞ-ı nəzərdə tutub.
Vurğulanıb ki, ABŞ süni intellekt və proqram təminatı sahəsində qabaqcıl inkişaflara malikdir, lakin sənaye potensialını böyük ölçüdə itirib. Buna görə də, “Mitsubishi Heavy Industries” də daxil olmaqla, Yaponiya müəssisələrində ikili təyinatlı məhsulların istehsalına böyük maraq göstərir.
Agentlik yazıb ki, əməkdaşlıq mexanizminə Pentaqon və Tokiodakı ABŞ səfirliyi, eləcə də Yaponiya müdafiə və iqtisadiyyat nazirlikləri cəlb olunacaq.