“Boeing” şirkəti ilə 8,57 milyard dollarlıq müqavilə imzalanıb
ABŞ ordusu “Boeing” şirkətinə İsrailə F-15 qırıcı təyyarələrinin tədarükü üçün 8,57 milyard dollarlıq müqavilə imzalayıb.
AYNA.AZ xəbər verir ki, ABŞ Müdafiə Nazirliyinin saytında verilən məlumata görə, müqavilə "İsrail Hərbi Hava Qüvvələri üçün 25 yeni F-15IA qırıcı təyyarəsinin hazırlanmasını, inteqrasiyasını, quraşdırılmasını, sınaqdan keçirilməsini, istehsalını və çatdırılmasını əhatə edir".
Sazişə təchiz edilən təyyarələrin sayını 25 ədəd artırmaq imkanı daxildir.
Pentaqon “Boeing” şirkətinin 2035-ci ilin sonuna qədər müqavilə öhdəliklərini yerinə yetirəcəyini gözləyir.