“Tərəflər yeni müsbət fikirlər mübadiləsi aparıblar və fasilə vermək barədə razılığa gəliblər”
Cenevrədə keçirilən ABŞ-İran danışıqlarında "məsləhətləşmə fasiləsi" elan edilib. AYNA.AZ xarici mediaya istinadən bildirir ki, vasitəçi kimi çıxış edən Omanın xarici işlər naziri Bədr Əl-Busaidi jurnalistlərə bildirib ki, tərəflər "yeni müsbət fikirlər mübadiləsi aparıblar və fasilə vermək barədə razılığa gəliblər”.
“Danışıqlar daha sonra bərpa olunacaq və biz daha böyük irəliləyiş əldə etməyə ümid edirik", - bildirib.
“Hizbullah”a yaxın olan Livan televiziya kanalı “Əl-Mayadeen” daha nikbin bir mesaj yayıb: "Növbəti saatlarda tərəflər danışıqların daha inkişaf etmiş mərhələsinə keçəcəklər".
İranın rəsmi "Tasnim" qəzeti iddia edir ki, danışıqlar bir neçə saatdan sonra bərpa olunacaq.