Senator Merfi: “Ukrayna və İsrail yardım almaq üçün insan hüquqlarına hörmət etməlidir”
“Ukrayna və İsrail ABŞ-dan yardım almaq üçün insan haqlarına və beynəlxalq hüquqa hörmət etməlidir”. AYNA xəbər verir ki, bu sözləri ABŞ Konqresinin senatoru, demokrat Kris Mörfi CNN-ə müsahibəsində deyib.
“Düşünürəm ki, bu, bizim müttəfiqlərə, xüsusən də müharibə zamanı etdiyimiz yardıma tam uyğundur. Ukraynaya və ya İsrailə verdiyimiz yardımdan insan hüquqları qanunlarına uyğun istifadə edilməli olduğunu söyləməyimiz vacibdir”, - senator bildirib.
Mörfi vurğulayıb ki, İsrail ordusunun Qəzza zolağında addımları qəbuledilməzdir və uzunmüddətli perspektivdə yalnız radikal HƏMAS qruplaşmasının güclənməsinə səbəb olacaq.
Bununla belə, senator əlavə edib ki, İsrailin HƏMAS-a qarşı mübarizəsi mənəvi öhdəlikdir.